The Thirty-first of a Dozen Verses

(September 2005)

. Photo taken on September 27, 2005, in Woods Creek Subdivision in Toutes Aides, Manitoba, where Uncle Renyboy purchased a small lot on which he will build a Summer cottage

Another series of short poems of three eight-syllable lines (8-8-8) with the rhyme pattern a, b, a.

“Lagi akong kinikilig
T’wing ikaw ay kapiling ko.
Nakatutunaw, ’yong titig.”

“Kailan ba ang uwi mo?
Ako’y sabik na sabik na.
Honey, ha, pasalubong ko.”

“Samyo mo’y nakalalasing,
Pirmi akong ’nilulutang.
Ikaw ay walang kahambing.”

“Bakit hindi mo salatin
Ang pagitan ng hita ko?
H’wag ka nang magpaumanhin.”

“Kailan ka kaya muling
Sasakay ng eroplano
At lalapag sa ’king píling?”

“Di mapawi pagkainip,
’ko’y laging may hanap-hanap;
Balisâ ’gang panaginip.”

“Ako sa ’yo’y nanggigigil;
Alindog mo’y nasa isip.
Kaylan ko ’yan mapipisil.”

“Sa t’wina ikaw ay kausap,
Tenga’y nag-iinit, pero
Palaging bitín ang saráp.”

“Kahit hindi umuulan,
Ako’y laging nabábasà.
Ano kaya ang dahilan?”

“Sige na, isigaw mo pa—
Malakas! Paulit-ulit
—’gang ako’y mapahilata.”

“Ang sarap ng iyong bibig—
Ubod ng dulas at init.
Tuloy, hita'y namimitig.”

“Ang lambot ng iyong palad,
Daig mo pa ang babae.
Ikaw ay walang katulad.”